Hýsing
Fyrir utan geymslu og rekstur á vélbúnaði þá annast Reiknistofa bankanna miðlæga vistun gagna og gagnagrunna fyrir fyrirtæki og fjármálastofnanir á Íslandi.
Allur búnaður er varinn fyrir raka, eldi og hita og rafbakhjarlar tryggja fullkomið rekstraröryggi.
Vöktun á hýsingarsölum RB er allan sólarhringinn, allan ársins hring.
Prentlausnir
RB rekur mjög fullkomna prentþjónustu fyrir fjármálastofnanir og kortafyrirtæki. Prentað er út og póstlagt yfir tíu milljón umslög til íslenskra heimila og fyrirtækja á hverju ári.
Afritun
Gögn í afritun eru geymd í samræmi við þjónustusamninga við viðskiptavini RB og er öryggi gagnanna ávallt í fyrirrúmi.
Eftirlit með peningaþvætti
RB rekur og hýsir eftirlitskerfi með peningaþvætti. Gögn úr innlána- og útlánakerfum RB eru send inn í kerfið ásamt gögnum frá öðrum kerfum banka og sparisjóða og gefur kerfið viðvaranir eftir ákveðnum reglum.
Viðskiptamannakerfi
Viðskiptamannakerfi RB sér um að afla upplýsinga frá öðrum kerfum RB og frá bakvinnslukerfum banka og kortafyrirtækja og gerir þannig tilteknum notendum kleift að gera fyrirspurn eftir kennitölu og sjá á samandregnu formi allar helstu upplýsingar um viðskiptamenn sína.
Fjárhagsstaða einstaklinga
Vilji einstaklingur fá lán í banka er leitað eftir samþykki hans fyrir því að útbúa yfirlit yfir fjárhagsstöðu hans.
RB rekur kerfi sem tekur saman allar skuldbindingar einstaklinga við fjármálastofnanir s.s. upplýsingar um öll lán, yfirdrátt og stöðu greiðslukorta.
Ávallt er send tilkynning í pósti til viðkomandi um að slíkt yfirlit hafi verið útbúið.
