Hlutverk Reiknistofu bankanna er
að veita bönkum, sparisjóðum og aðilum á þeirra vegum tölvuþjónustu sem sérstaklega miðar að því að nýta kosti samvinnu um tölvuvinnslu, einkum á sviði greiðslu- og lánsfjármiðlunar. Hlutverk sitt leysir RB af hendi með rekstri eigin tölva.
Helstu markmið:
Á sviði rekstrar og skipulagsmála:
- að hafa stjórnskipulag sem einkennist af stuttum boðleiðum og skýrri dreifingu valds og ábyrgðar
- að hafa stjórnun sem sé þjónustusinnuð og byggð á vandaðri áætlanagerð um reksturinn, bæði varðandi verkefni og fjármál
- að mynda góðan starfsanda, stunda öguð vinnubrögð og veita úrvals þjónustu.
Á sviði fjármála:
- að tryggja að framleiðni fari vaxandi, bæði innan RB og hjá viðskiptavinum hennar
- að tryggja réttláta verðlagningu, sem leiði til þess að kostnaður falli á viðskiptamennina eftir því sem til er stofnað
- að leggja áherslu á arðsemi fjárfestinga.
Á sviði tækni- og markaðsmála:
- að hafa skýra og afdráttarlausa stefnu í tæknimálum, sem taki mið af þeirri reynslu og fjárfestingu, sem hún er bundin af, og þeirri tækni, sem eignaraðilar koma sér saman um
- að hafa samvinnu við aðra aðila um hugbúnaðargerð og kaupa hugbúnað, sé það hagkvæmt
- að beita heildargæðastjórnun (Total Quality Management).
Á sviði rekstraröryggis:
- að tryggja viðskiptamönnum sínum órofin beinlínutengsl á þjónustutíma
- að tryggja öryggi og stundvísi í allri gagnavinnslu
- að tryggja eigið öryggi í húsnæðismálum og aðstöðu allri.